Գազայի հատվածի կենտրոնական և հարավային շրջանների ուղղությամբ իսրայելական բանակի գնդակոծությունների հետևանքով վերջին 24 ժամվա ընթացքում ավելի քան 60 պաղեստինցի է զոհվել։ Այս մասին հայտնել է Al Jazeera հեռուստաալիքը:

Խոսքը անկլավի որոշ կենտրոնական շրջանների, ինչպես նաև հարավային Ռաֆահ և Խան Յունիս քաղաքների վրա մի շարք ավիահարվածների մասին է։ Հեռուստաալիքի տվյալներով՝ ռմբակոծված տարածքներում բնակչությունը սննդի սուր պակաս է զգում։ Աճող մտահոգություններ կան նաև Ռաֆահ պոտենցիալ ռազմական ներխուժման վերաբերյալ, որը կվատթարացնի հումանիտար ճգնաժամը: