ԱՄՆ-ն և Չինաստանը արդյունավետ բանակցություններ են վարել Փարիզում. Բեսենթ

ԱՄՆ-ն և Չինաստանը արդյունավետ բանակցություններ են վարել Փարիզում, այս մասին հայտարարել է ԱՄՆ Ֆինանսների նախարար Բեսենթը։

«Միացյալ Նահանգների նախագահի անունից ԱՄՆ առևտրային ներկայացուցիչ Ջեյմիսոն Գրիրը և ես երկու օր շատ արդյունավետ բանակցություններ ենք վարել Փարիզում Չինաստանի փոխվարչապետ Հե Լիֆենգի հետ՝ քննարկելով մեր երկրների միջև առևտրային և տնտեսական հարաբերությունները: Առաջիկա օրերին մենք հայտարարություն կհրապարակենք, որով կհաստատենք աշխարհի առաջին և երկրորդ խոշորագույն տնտեսությունների միջև հարաբերությունների կայունությունը», - ասել է նա։