ՀՅԴ-ն վաղը Դատախազության դիմաց ակցիա կիրականացնի ի պաշտպանություն բոլոր քաղբանտարկյալների

Նոյեմբերի 20-ին, հինգշաբթի օրը, ժամը՝ 15:00-ին, ՀՀ Դատախազության դիմաց տեղի կունենա ակցիա ի պաշտպանություն բոլոր քաղբանտարկյալների։ Այս մասին տեղեկացնում է ՀՅԴ Հայաստանի Գերագույն մարմնի Հանրային կապերի գրասենյակը։

Ակցիայի մասնակիցներն իրենց բողոքի ձայնը կբարձրացնեն ընդդեմ ապօրինի բռնաճնշումների և կալանավորվածների։ Այնուհետև երթով կշարժվեն դեպի Երևան քաղաքի առաջին ատյանի ընդհանուր իրավասության քրեական դատարանի Շենգավիթ նստավայր (Արշակունյաց 28), որտեղ կայանալու է «18 արդարների» հերթական դատական նիստը