Կիևի համար անօդաչու թռչող սարքերի արտադրությունը Եվրոպային ներքաշում է Ռուսաստանի հետ պшտերազմի մեջ․ ՌԴ Պաշտպանության նախարարություն
- 2 hours ago
- 1 min read
Ուկրաինայի զինված ուժերի կորուստներից հետո Եվրոպան որոշել է ավելացնել Ուկրաինային անօդաչու թռչող սարքերի արտադրությունն ու մատակարարումը՝ Ռուսաստանին հարվածներ հասցնելու համար, հայտարարել է ՌԴ Պաշտպանության նախարարությունը։
Դա արվում է Եվրոպայում գործող ուկրաինական և համատեղ ձեռնարկությունների ֆինանսավորումն ավելացնելու միջոցով, որոնք արտադրում են անօդաչու թռչող սարքեր և դրանց բաղադրիչներ։
Այս ձեռնարկությունները գտնվում են Մեծ Բրիտանիայում, Գերմանիայում, Դանիայում, Լատվիայում, Լիտվայում, Նիդեռլանդներում, Լեհաստանում, Չեխիայում, Իսպանիայում, Իտալիայում, Իսրայելում և Թուրքիայում։
«Կիևի համար անօդաչու թռչող սարքերի արտադրությունը Եվրոպային ներքաշում է Ռուսաստանի հետ պատերազմի մեջ։
Մենք այս որոշումը դիտարկում ենք որպես միտումնավոր քայլ, որը հանգեցնում է ռազմաքաղաքական իրավիճակի կտրուկ սրմանը ամբողջ Եվրոպայում»,-հայտարարել է ՌԴ Պաշտպանության նախարարությունը։
