«Որոշակի անախորժ բաներ ուղիղ եթեր չգնացին, որի համար ուրախ եմ». Տիգրան Ավինյան

«Այսօրվա նիստի մեկնարկին ձայնը չէր աշխատում, որոշակի անախորժ բաներ ուղիղ եթեր չգնացին, որի համար ուրախ եմ»,- գործակարգավարական խորհրդակցության ավարտին հայտարարեց քաղաքապետ Տիգրան Ավինյանը: «Ուզում եմ մի բան վերջնական ֆիքսենք. եթե էստեղ ինչ-որ մի բան խոսում ենք, դա նշանակում է՝ Երևանի քաղաքապետարանի բոլոր կառույցներն ու աշխատակիցները պետք է տեղեկացված լինեն: Եթե խոսել ենք օդի որակից ու ասել, որ տերև չպիտի վառվի, հետո չպիտի պարզվի՝ քաղաքապետարանի որևէ աշխատակից ինչ-որ տեղ տերև է վառում»,- հավելեց նա: