Ավտովթար՝ Երևանում․ Սասունցի Դավթի հրապարակում բախվել են թիվ 14 երթուղին սպասարկող «Higer» մակնիշի ավտոբուսը և «Opel Astra»-ն․ կա 5 վիրավոր
- Elen Hovsepyan
- 2 hours ago
- 1 min read
Այսօր՝ նոյեմբերի 12-ին, ավտովթար է տեղի ունեցել Երևանում։ Ժամը 16։50-ի սահմաններում Տիգրան Մեծ պողոտայում՝ Սասունցի Դավթի հրապարակում բախվել են 44-ամյա Արման Հ․-ի վարած, թիվ 14 երթուղին սպասարկող «Higer» մակնիշի ավտոբուսը և 54-ամյա Հովհաննես Վարդանյանի վարած «Opel Astra» մակնիշի ավտոմեքենան։
Ինչպես հայտնում է ֆոտոլրագրող Գագիկ Շամշյանը, վթարի հետևանքով 4 հոգի տեղափոխվել են «Էրեբունի» բժշկական կենտրոն, 1 հոգի՝ «Մուրացան» հիվանդանոցային համալիր։
Դեպքի վայր են ժամանել ՀՀ Ներքին գործերի նախարարության ոստիկանության Պարեկային ծառայության Երևան քաղաքի գնդի 3-րդ գումարտակի 2-րդ վաշտի պարեկները՝ գումարտակի հրամանատար Արմեն Գասպարյանի, վաշտի հրամանատար Արարատ Պետրոսյանի գլխավորությամբ:
Տարածքը սահմանազատել են նույն վաշտի ավագ պարեկ Արտակ Հակոբյանը և կրտսեր պարեկ Գրիգոր Դավթյանը։
Վթարի մասին ՊԾ Երևան քաղաքի գնդից տեղեկույթունը փոխանցել են ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժին, որտեղից ժամանել է քննչական խումբը՝ բաժնի պետի տեղակալներ Արթուր Ադամյանի, Գրիգոր Ավետիսյանի և օրվա հերթապահ քննիչի գլխավորությամբ:
