«Վագներ»-ի ապստամբությունից հետո իշխանությունների նկատմամբ անվստահությունը Ռուսաստանում հասել է առավելագույնին
Ուկրաինական բանակի ներխուժումը Կուրսկի մարզ հանգեցրեց Ռուսաստանի քաղաքացիների շրջանում իշխանությունների նկատմամբ վստահության նվազմանը։
Ըստ «Հասարակական կարծիք» հիմնադրամի հարցման արդյունքների՝ օգոստոսի 11-ի դրությամբ ռուսաստանցիների 25%-ը հայտարարել է, որ ՌԴ իշխանությունների գործողություններն իրենց «վրդովմունք» են առաջացնում։
Դժգոհության մակարդակը «Վագներ»-ի ապստամբությունից հետո հասել է ռեկորդային մակարդակի՝ 26%։
Մեկ շաբաթվա ընթացքում իշխանությունների գործողություններից վրդովվածների մասնաբաժինը աճել է 7 տոկոսային կետով։
Եվ, ըստ «Հասարակական կարծիք» հիմնադրամի՝ այս ցատկը ռեկորդային է դարձել 2022 թվականի աշնանից ի վեր, երբ նախագահ Վլադիմիր Պուտինը հայտարարեց 1940-ականներից ի վեր առաջին զանգվածային զորահավաքի մասին։ Այդ ժամանակ իշխանություններից «դժգոհողների» մասնաբաժինը երեք շաբաթվա ընթացքում 21%-ից հասավ 31%-ի։
