Թույլ չենք տա, որ Վրաստանն օգտագործվի այլ պետությունների շահերից ելնելով. Կալաձե
- Elen Hovsepyan
- Sep 15, 2024
- 1 min read
Վրաստանի իշխանությունները չեն միացել Ռուսաստանի Դաշնության դեմ պատժամիջոցներին, և այժմ թույլ չեն տա երկիրն օգտագործել այլ պետությունների շահերի համար, հայտարարել է իշխող «Վրացական երազանք՝ Ժողովրդավարական Վրաստան» կուսակցության գլխավոր քարտուղար, Թբիլիսիի քաղաքապետ Կախա Կալաձեն։ Այս մասին գրում է ՏԱՍՍ-ը:
«Մենք պաշտպանեցինք մեր երկիրը, պաշտպանեցինք մեր շահերը։ Երկիրը չմիացավ Ռուսաստանի Դաշնության դեմ պատժամիջոցներին, որոնք միայն կվնասեին վրացի արտադրողներին, գյուղացիներին, ինչպես նաև երկրորդ ճակատ չբացեց։ Մենք թույլ չենք տա, որ Վրաստանն օգտագործվի այլ պետությունների շահերից ելնելով: Մենք կպաշտպանենք մեր երկիրն ու մեր ժողովրդին»,- լրագրողներին ասել է Կալաձեն Գորի քաղաքում նախընտրական հանրահավաքից հետո:
