«Քաշում եմ համրիչը, որ հետո գամ, քաշեմ շեֆերիդ սանձերը». Հայկ Կոնջորյան

• 

«Գործընկերոջս հետ ԱԺ սրճարանում նստած ենք, գրել է՝ Հայկ Կոնջորյանը թզբեհ է քաշում, հայերեն՝ համրիչ»,- անդրադառնալով «Ժողովուրդ»-ի հրապարակմանը՝ ասել է իշխող խմբակցության պատգամավոր Հայկ Կոնջորյանը: «Համրիչն ինձ մեկ-մեկ օգնում է, որպեսզի կենտրոնանամ: Քաշում եմ համրիչը, որ հետո գամ, քաշեմ քո շեֆերի սանձերը ու անընդհատ քաշելու եմ շեֆերիդ սանձերը: Ու ամեն անգամ էդ սանձերը քաշելուց հետո գալու եք ու էստեղ ճամարտակեք, որովհետև հասկանալի է, որ ձեր շեֆերը մեր ամեն ելույթից այսահարվում են: Էնպես որ, տիկին Կյուրեղյանին ու տիկին Թովմասյանին ու նրանց, ովքեր գալու են դատարկաբանություններ հնչեցնեն, խորհուրդ եմ տալիս՝ մի քիչ աշխատեք ձեր վրա»,- հավելել է Կոնջորյանը