Financial Times. Պուտինը պահանջել է ուկրաինական զորքերը դուրս բերել Դոնեցկի մարզի արևելյան հատվածից
- Elen Hovsepyan
- Aug 16
- 1 min read
Ռուսաստանի նախագահ Վլադիմիր Պուտինը պատերազմը դադարեցնելու պայման է դրել՝ պահանջելով, որ Ուկրաինան զորքերը դուրս բերի Դոնեցկի մարզի արևելյան մասից, նա ԱՄՆ նախագահ Դոնալդ Թրամփին հայտարարել է, որ կարող է սառեցնել շփման գծի մնացած մասը, եթե իր հիմնական պահանջները կատարվեն, հայտնում է Financial Times-ը։
Պուտինը նման խնդրանքով է հանդես եկել ուրբաթ օրը Ալյասկայում Թրամփի հետ հանդիպման ժամանակ, հայտնում է պարբերականը՝ հղում անելով բանակցությունների ընթացքին անմիջականորեն ծանոթ չորս անձի։
Հիշեցնենք, որ ԱՄՆ-ի և Ռուսաստանի առաջնորդների գագաթնաժողովն Ալյասկայում կայացել է օգոստոսի 15-ին՝ տեղական ժամանակով (Երևանի ժամանակով՝ օգոստոսի 16-ի գիշերը)։
Գագաթնաժողովի արդյունքներով կողմերը Ուկրաինայում հրադադարի շուրջ պայմանավորվածություն ձեռք չեն բերել, ընդ որում՝ ԱՄՆ նախագահը գոհ է մնացել հանդիպումից։
Երկու երկրների առաջնորդները պայմանավորվել են կրկին հանդիպել։ Պուտինը Թրամփին հրավիրել է Մոսկվա։
