«Կփորձեն կարգավորել հարցերը Եվրոպայի հետ, ինչից հետո «բերման կենթարկեն» Զելենսկուն»․ Մհեր Հակոբյան

Ռազմական հարցերով վերլուծաբան Մհեր Հակոբյանի ֆեյսբուքյան գրառումը. «Դե ինչ, ընդհանրացնենք.

Դոնալդ Թրամփը հանդիպումից հետո հայտարարեց, որ ուկրաինական կարգավորման համար «գոյություն ունեն բավական լավ շանսեր» և այժմ, Վլադիմիր Պուտինի հետ «շատ հանգամանալից» զրույցից հետո, նա կարծում է, որ «ամեն ինչ կախված է Զելենսկուց»։

- Այսօր շատ լավ հանդիպում էր, բայց տեսնենք, ես նկատի ունեմ, որ պետք է գործարք կնքենք։ Մենք շատ կետերի շուրջ համաձայնության եկանք,- ասել է ԱՄՆ նախագահը։

Երևում է, որ Թրամփը կանխատեսումների հարցում ակնհայտորեն որոշ չափով զգուշավոր է, սակայն Պուտինի հետ հանդիպումից մեծ հաշվով շատ գոհ է։

- Շատ հարցեր լուծվեցին։ Մնացած հարցերը դեռ պետք է լուծվեն, իր հերթին հայտարարել է ՌԴ նախագահի հատուկ ներկայացուցիչ Կիրիլ Դմիտրիևը՝ խոսելով այն մասին, թե ինչպես անցան ՌԴ-ԱՄՆ բանակցությունները Ալյասկայում։

Ընդհանուր առմամբ - ճեղքում չկա և այն ի սկզբանե իսկ քիչ հավանական էր, բայց, գոնե այս փուլի համար և հիմա, կողմերը համարում են, որ ամեն ինչ լավ է: Դատելով ըստ ամենայնի՝ մյուս շաբաթ կփորձեն կարգավորել հարցերը Եվրոպայի հետ, ինչից հետո «բերման կենթարկեն» Զելենսկուն»։