Ջենիֆեր Լոպեսի երեւանյան համերգի համար Հայաստան ժամանող արտերկրացիների հոսքը շարունակվում է

Ջենիֆեր Լոպեսի երևանյան համերգի համար Հայաստան ժամանող արտերկրացիների հոսքը շարունակվում է։ Ինչպես հաղորդում են համերգի կազմակերպիչ Doping Space ընկերությունից, այս պահին հայ-վրացական սահմանի անցակետում հերթեր են կուտակվել։ 

Երգչուհու համերգը կայանալու է այսօր՝ օգոստոսի 3-ին, Վազգեն Սարգսյանի անվան մարզադաշտում։ 

Հավելենք, որ Լոպեսը Երևան է ժամանել երեկ՝ օգոստոսի 2-ի լուսադեմին։ 

Ավելի վաղ, Doping Space-ը տեղեկացրել էր, որ երգչուհու երևանյան համերգի այցելուներից մոտ 15 հազարն արտերկրից են։ Երեւանի, գրեթե, բոլոր հյուրանոցներն այս պահին լի են հյուրերով, այցելուներից շատերը հանգրվանել են Ծաղկաձորում, Սևանում ու Հայաստանի այլ վայրերում։