53-ամյա վանաձորցին ավտոնորոգման կետում թմրանյութ էր պահում
- Elen Hovsepyan
- 2 hours ago
- 1 min read
Քրեական ոստիկանության Լոռու մարզային վարչության ծառայողները օպերատիվ տեղեկություն են ստացել, որ Վանաձորի բնակիչ 53-ամյա տղամարդը քաղաքի ավտոմեքենաների վերանորոգման կետերից մեկում մարիխուանա է պահում։ Այս մասին հայտնում է ՆԳՆ ոստիկանությունից։
Ստուգման նպատակով քրեական ոստիկանները նոյեմբերի 4-ին այցելել են ավտոնորոգման կետ: Տղամարդը հայտնել է, որ իրավապահների տեղեկությունը ճիշտ է։
53-ամյա տղամարդը ձերբակալվել և տեղափոխվել է վարչություն։
Նախաձեռնված քրեական վարույթի շրջանակում կատարված զննությամբ ավտոմեքենաների սպասարկման կետում հայտնաբերվել է մոտ 245 գրամ մարիխուանա։
