Սիրիացի զինվորականները փակել են ԱՄՆ զրահամեքենաների շարասյան ճանապարհը

Սիրիական բանակը կիրակի հյուսիսարեւմտյան Հասեկե նահանգի Թել Թամեր քաղաքի մերձակայքում թույլ չի տվել ամերիկյան ուժերի պարեկային շարասյանը անցնել իր անցակետով։ Այս մասին հայտնել է ТАСС-ը՝ հղում անելով SANA գործակալությանը։

Դրա տվյալներով՝ երբ ամերիկացի զինվորականները զրահամեքենաներով մոտեցել են Մազրաաթ Շավիշ շրջանին, սիրիացի զինվորները դուրս են եկել մայրուղի եւ փակել նրանց անցումը։ Միաժամանակ, նրանք զենքով չեն սպառնացել եւ նախազգուշական կրակ չեն բացել։ Արդյունքում ամերիկացի զինվորականները ստիպված են եղել փոխել շարժման երթուղին։