Իրանի Իսլամական Հանրապետության նախագահ Էբրահիմ Ռաիսին այցով ժամանել է Թուրքիայի մայրաքաղաք Անկարա, հայտնում է Անատոլու գործակալությունը։

Նախատեսվում են բանակցություններ Ռաիսիի և նրա թուրք գործընկեր Ռեջեփ Թայիփ Էրդողանի միջև։

Իրանի նախագահը կմասնակցի նաեւ Թուրքիա-Իրան բարձր մակարդակի համագործակցության խորհրդի 8-րդ նիստին։

Ակնկալվում է, որ Թուրքիայի և Իրանի նախագահների պաշտոնական բանակցություններում կքննարկվի երկկողմ հարաբերությունների վիճակը։

Կողմերը մտքեր կփոխանակեն նաև տարածաշրջանային հարցերի շուրջ, այդ թվում՝ Գազայի հատվածում, Իրաքում, Սիրիայում, Կովկասում, Աֆղանստանում տեղի ունեցած վերջին իրադարձությունների և Ուկրաինայի պատերազմի վերաբերյալ։