Ղարիբաշվիլին հայտարարել է քաղաքականությունից հեռանալու մասին

Իշխող «Վրացական երազանք` ժողովրդավար ​​Վրաստան» կուսակցության նախագահ, նախկին վարչապետ Իրակլի Ղարիբաշվիլին հայտարարել է քաղաքականությունից հեռանալու որոշման մասին։ Համապատասխան հայտարարությունը նա արել է ճեպազրույցի ժամանակ։ Նա նշել է, որ ցանկանում է պաշտոնապես տեղեկացնել հանրությանը իր մտադրության մասին, գրում է mk.ru-ն:«Վերջին մի քանի շաբաթների ընթացքում իմ ապագա քաղաքական գործունեության մասին շահարկումները չեն դադարել, ուստի պարտավոր եմ հասարակության առաջ տալ առկա հարցերին սպառիչ պատասխաններ», - բացատրել է Ղարիբաշվիլին:

Նրա որոշումը իրարամերժ կարծիքներ է առաջացրել՝ հաշվի առնելով Ղարիբաշվիլիի առանցքային դերը Վրաստանի կուսակցական և քաղաքական կյանքում։ Ղարիբաշվիլին վարչապետի պաշտոնը զբաղեցրել է 2021-ից 2024 թվականներին, այնուհետև գլխավորել է իշխող կուսակցությունը։ Նրա հեռանալու պատճառները դեռևս չեն բացահայտվում, սակայն փորձագետները ենթադրում են, որ դա կարող է կապված լինել «Վրացական երազանքի» ներքին գործընթացների կամ քաղաքականությունից դուրս հետագա կարիերայի ծրագրերի հետ։