Մինչև հեղափոխությունը ես ավելի չաղ ու բախտավոր էի. Ալեն Սիմոնյան

Մինչև հեղափոխությունը ես ավելի չաղ ու բախտավոր էի, հիմա ապրում եմ «լայֆ» ռեժիմով, այս մասին լրագրողներին ասել է ԱԽ քարտուղար Ալեն Սիմոնյանը՝ ԱԽ նախկին քարտուղար Արմեն Գրիգորյանի գրքի շնորհանդեսին։

«Եղել է շատ երկար ժամանակ, երբ ես ինձ երջանիկ չեմ զգացել. երբ կյանքը կտրուկ փոխվել է։ Հետ նայելով կարող եմ ասել, որ մինչև հեղափոխությունը ես ավելի չաղ ու բախտավոր էի, ավելի հանգսիտ էի ապրում»,– ասել է նա։

Նա նշել է, որ դառը խոսակցություն չի ունեցել Արմեն Գրիգորյանի հետ։

Սիմոնյանը վստահեցրել է, որ շարունակում է շատ լավ, ընկերական հարաբերություններ ունենալ իր իրավանախորդ Արմեն Գրիգորյանի հետ։

«Արմենը եզակի մարդկանցից մեկն է եղել, որի հետ ես մշտապես երբևիցե որևիցե նույնիսկ դառը խոսակցություն չեմ ունեցել»,– նշել է նա։

Սիմոնյանը նաև ասել է, որ Արմեն Գրիգորյանը հրավիրված է իր հարսանիքին, որն այսօր է տեղի ունենալու։