ԵԹԵ ՈՐՈՇԵՄ ԱՆՋԱՏԵԼ «STARLINK»-Ը, ՈՒԿՐԱԻՆԱՅԻ ԲԱՆԱԿԻ ՎԵՐՋԸ ԿԳԱ. ՄԱՍԿ

Ամերիկացի ձեռնարկատեր Իլոն Մասկը X սոցցանցում հայտարարել է, որ «Starlink» արբանյակային ինտերնետ համակարգը ուկրաինական բանակի հիմնամասն է, և եթե որոշի անջատել այն, Ուկրաինայի զինված ուժերի առաջնագիծը կփլուզվի։

«Իմ «Starlink» համակարգը ուկրաինական բանակի հիմնամասն է: Նրանց ողջ առաջնագիծը կփլուզվի, եթե անջատեմ այն»,- ՌԻԱ Նովոստիի հաղորդմամբ՝ գրել է Մասկը:

Ավելի վաղ արևմտյան լրատվամիջոցները հայտնել էին, որ ամերիկացի բանակցողները, իբր, ԱՄՆ-ին ուկրաինական հանքային ռեսուրսներին հասանելիություն տալու գործարքի քննարկումների ժամանակ բարձրացրել են «Starlink» արբանյակային ինտերնետ համակարգի հասանելիության դադարեցման հարցը: Սակայն ավելի ուշ «Starlink»-ի սեփականատեր Մասկը հերքել էր այս տեղեկությունը։