ԱՄՆ-ն ճնշում է գործադրում Մեքսիկայի վրա, որ Մեխիկոն թույլ տա ամերիկյան ուժերին պայքարել կարտելների դեմ

ԱՄՆ-ն ճնշում է գործադրում Մեքսիկայի վրա, որ Մեխիկոն թույլ տա ամերիկյան ուժերին պայքարել կարտելների դեմ

Ամերիկայի Միացյալ Նահանգները մեծացնում է ճնշումը Մեքսիկայի վրա, որ պաշտոնական Մեխիկոն թույլ տա ամերիկյան զորքերին գործողություններ իրականացնել մեքսիկական տարածքում թմրանյութ արտադրողների դեմ, հաղորդել է «The New York Times»-ը՝ հղում անելով ամերիկյան աղբյուրներին։

Ըստ աղբյուրների՝ այս առաջարկն առաջին անգամ արվել է անցյալ տարվա սկզբին։ Սակայն դիմումը վերսկսվել է այն բանից հետո, երբ ամերիկյան ուժերը հունվարի 3-ին գերի են վերցրել Վենեսուելայի նախագահ Նիկոլաս Մադուրոյին։

ԱՄՆ-ի պաշտոնյաները ցանկանում են, որ ամերիկյան ուժերը, լինեն հատուկ նշանակության զորքեր, թե Կենտրոնական հետախուզական վարչության աշխատակիցներ, ուղեկցեն մեքսիկացի զինվորներին այն օբյեկտների վրա ռեյդերի ժամանակ, որտեղ կարող է արտադրվել ֆենտանիլ։

Ըստ NYT-ի՝ ամերիկացի խորհրդականներն արդեն Մեքսիկայի ռազմական հրամանատարական կետերում են՝ փոխանակվելով հետախուզական տվյալներով՝ թմրանյութերի ապօրինի շրջանառության դեմ պայքարում օգնելու համար։