top of page

Ամեն հաղթանակի համար տվել եմ առավելագույնս․ Վազգեն Թևանյան

2 hours ago
1 min read
Ազատ ոճի ըմբշամարտի Հայաստանի հավաքականի անդամ, 65 կգ քաշային Վազգեն Թևանյանը սոցիալական ցանցերի իր էջերում հանդես է եկել գրառմամբ՝ ամփոփելով Ղազախստանի մայրաքաղաք Աստանայում ավարտված աշխարհի առաջնությունը, որտեղ հայ ըմբիշը նվաճել է արծաթե մեդալ։
Ազատ ոճի ըմբշամարտի Հայաստանի հավաքականի անդամ, 65 կգ քաշային Վազգեն Թևանյանը սոցիալական ցանցերի իր էջերում հանդես է եկել գրառմամբ՝ ամփոփելով Ղազախստանի մայրաքաղաք Աստանայում ավարտված աշխարհի առաջնությունը, որտեղ հայ ըմբիշը նվաճել է արծաթե մեդալ։

«Այս մեդալի հետևում տարիների աշխատանք, քրտինք ու մեծ նվիրում կա։ Հեշտ ճանապարհ չէր․ ուժեղ մրցակիցների դեմ պայքարում ամեն հաղթանակի համար տվել եմ առավելագույնս։ Որախ եմ այս արդյունքով ու իմ անցած ճանապարհով։

Շնորհակալ եմ Աստծուն, որ ինձ ուժ տվեց ու այս հաղթանակը պարգևեց։ Ամենադժվար պահերին հավատս ինձ օգնել է չհանձնվել ու շարունակել պայքարը։

Շնորհակալ եմ նաև իմ անձնական մարզչին՝ Ռաֆիկ Գոլեցյանին միասին կատարած մեծ աշխատանքի և աջակցության համար։"

Շնորհակալ եմ Քեզ, Տե՛ր։ Քո օգնությամբ հասա այս հաղթանակին։ Ամբողջ փառքը Քեզ»,- գրել է հայ մարզիկը։

Հիշեցնենք, որ Աստանայում կայացած աշխարհի առաջնության չեմպիոնական տիտղոսի համար վճռորոշ գոտեմարտում Վազգեն Թևանյանն ուժերը չափել էր ԱՄՆ-ի ներկայացուցիչ Բոուեն Բասեթի հետ և 1։9 հաշվով ցավալի պարտություն կրելով՝ հռչակվել աշխարհի փոխչեմպիոն։


 
 

ԼՐԱՀՈՍ

1/3145
bottom of page