«Պատարագիչ քահանան պարտավոր է հնչեցնել Վեհափառի անունը». Տեր Փառեն
- Elen Hovsepyan
- Nov 16
- 1 min read
Սաղմոսավանքի հոգևոր հովիվ Տեր Փառեն քահանա Առաքելյանը ֆեյսբուքյան իր էջում անդրադարձել է Խաչիկ գյուղում տեղի ունեցած Պատարագի այն դրավագին, որտեղ, երևում է, թե ինպես է պատարագիչը միտումնավոր կրճատում Վեհափառ Հայրապետի անունը:
Տեր Փառենը տեղադրել է մի լուսանկար՝ կից գրառմամբ.
«Սա 1880 թվականին Գեւորգ Դ Կոստանդնուպոլսեցի կաթողիկոսի ժամանակ տպագրված Խորհրդատետրից է։ Այս Խորհրդատետրը տպագրվել է Հայոց Աշխարհի տարբեր տեղերից բերված տպագիր և ձեռագիր 40 օրինակների՝ իրար հետ համեմատելուց հետո, որի ընթացքում հաշվի են առնվել նույնիսկ ամենափոքր մանրուքները։
Հետևաբար, Պատարագի այս մասը կամայականորեն զեղչել, մեղմ ասած, չի կարելի։ Զեղչում են կա՛մ տգիտաբար, կա՛մ նենգ դիտավորությամբ։ Երկու դեպքում էլ անընդունելի է։
Այսօր Ամենայն Հայոց Կաթողիկոսը Գարեգին Երկրորդ Վեհափառն է, և պատարագիչ քահանան պարտավոր է հնչեցնել Վեհափառի անունը։ Տղամա՛րդ եղեք, ափսո՛ս եք, ձեզ մի՛ վնասեք»:
