Իսրայելը հրադադարը խախտման դեպքում Լիբանանին սպառնում է պատերազմի ընդլայնմամբ

Իսրայելի պաշտպանության նախարար Իսրայել Կացը Լիբանանի կառավարությանը նախազգուշացրել է, որ եթե «Հըզբոլլահ»-ի հետ հրադադարը խզվի, «Լիբանանի պետության համար այլևս բացառություններ չեն լինի, և Իսրայելը ահաբեկչական խմբավորման և երկրի միջև տարբերություն չի ​​տեսնի», գրում է Times of Israel-ը:

«Մենք բոլոր ջանքերը կգործադրենք՝ ապահովելու համար հրադադարի համաձայնագրի բոլոր պայմանավորվածությունների կատարումը՝ ցուցաբերելով առավելագույն արձագանք և զրոյական հանդուրժողականություն», -հայտարարել է Կացը երկրի հյուսիսային սահման կատարած այցի ժամանակ։

Նա զգուշացրել է, որ Լիբանան պետության համար բացառություններ այլևս չեն լինի։

Ըստ Կացի, Լիբանանը պետք է «լիբանանյան բանակին լիազորի կատարել իր պարտավորությունների մի մասը, «Հըզբոլլահ»-ին հեռու պահի Լիտանիից (գետից) և ապամոնտաժի բոլոր ենթակառուցվածքները»: 

«Եթե ​​մինչ այժմ մենք տարբերություն էինք դնում Լիբանանի պետության և «Հըզբոլլահ»-ի միջև, ընդհանուր առմամբ Բեյրութի և (նրա հարավային արվարձանի՝ «Հըզբոլլահ»-ի հենակետ Դահիյայի միջև, որին մենք շատ ուժեղ հարված հասցրինք, այժմ դա այլևս չի լինի», հայտարարել է Կացը: