Ձևավորվել է «Հայկական քվե» կուսակցության վարչությունը

Օպերային երգչուհի Ռոզեթ Ուստակարայանը ֆեյսբուքյան իր էջում գրել է. «Երեկ տեղի ունեցավ «Հայաքվե» ազգային քաղաքացիական միավորման կազմում գործող «Հայկական քվե» կուսակցության համագումարը, որի ընթացքում ձևավորվեց կուսակցության վարչությունը։

Վարչության կազմում ընտրվեցին` Մենուա Սողոմոնյան, Արամ Պետրոսյան, Դավիթ Արիստակեսյան, Աննա Կոստանյան, Ավետիք Քերոբյան, Ավետիք Հարությունյան, Ռոզեթ Ուստակարայան:

Այս վստահությունը ընդունում եմ` որպես պատիվ և ուխտ․ ծառայել հայրենիքին, պաշտպանել ազգային արժեքներն ու պետական շահը, և հավատարիմ մնալ ժողովրդի ձայնին։ Ստանձնած մանդատը ինձ համար կոչ է՝ ազնիվ, հետևողական և նվիրումով աշխատանքի, որպեսզի արդարացվի յուրաքանչյուր վստահություն և ամրապնդվի մեր միասնական պայքարը հանուն Հայաստանի ապագայի»։