Հյուսիսային Կորեան շահագործման է հանձնել իր պատմության մեջ ամենամեծ ռшզմանավը
- 4 hours ago
- 1 min read
Երեքշաբթի օրը Հյուսիսային Կորեան շահագործման է հանձնել իր երբևէ ունեցած ամենամեծ ռազմանավը՝ 5,000 տոննա ջրատարողությամբ կործանիչը, որը, ըստ ռազմական փորձագետների, ճգնաժամային իրավիճակներում կարող է լուրջ մտորումների տեղիք տալ Փհենյանի հակառակորդներին։ Այս մասին հայտնում է CNN-ը:
Երկրի արևմտյան ափին գտնվող Նամփո նավաշինարանում ունեցած իր ելույթում առաջնորդ Կիմ Չեն Ընը հայտարարել է, որ այս նավի ներդրումը նոր էջ է բացում երկրի ռազմական պատմության մեջ՝ նշելով, որ իր ռազմածովային ուժերը վերջ են դրել ավելի քան 70 տարվա լճացմանը։
«Ռազմական տեխնիկայի առումով նավատորմը մեր զինված ուժերի բոլոր ստորաբաժանումներից ամենաթույլն էր: Այժմ իրավիճակը ակնհայտորեն փոխվել է: Մեր նավատորմի մարտունակությունը կաճի և կհասնի աներևակայելի մակարդակի»,- ասել է Կիմը՝ ըստ պետական Կորեայի կենտրոնական լրատվական գործակալության զեկույցի։
Երեքշաբթի շահագործման հանձնված «Չոե Հյոն» կործանիչը, ըստ փորձագետների, ակնկալվում է, որ կունենա հակաառագաստային և ցամաքային հարվածային հրթիռների հնարավորություններ, թեև առայժմ դա հաստատված չէ։
Նոր նավը քայլ է առաջ Հյուսիսային Կորեայի ավանդական ռազմածովային կառուցվածքից, որը մեծապես հիմնված էր ասիմետրիկ ափամերձ ուժերի վրա, ինչպիսիք են սուզանավերը, արագընթաց հարձակողական նավակները, ափային հրետանին, ականները և հատուկ նշանակության ուժերի ներթափանցումը»,- ասել է Կորեայի պաշտպանական վերլուծությունների ինստիտուտի գիտաշխատող Յու Ջի-հունը։
«Հյուսիսային Կորեայի նավատորմը հեռանում է իր գոյություն ունեցող՝ ափամերձ պաշտպանության վրա կենտրոնացած կառուցվածքից և անցնում է ծովային տիրույթում իր միջուկային և հրթիռային սպառնալիքի ընդլայնմանը»,- նշել է Յուն։
Թեև Կիմը շեշտել է, որ նոր ռազմանավը ամբողջությամբ տեղական արտադրանք է, Սեուլի Էվհա համալսարանի պրոֆեսոր Լեյֆ-Էրիկ Իզլին նշում է, որ նավաշինության տեմպերը կարող են այլ բան վկայել։
«Կիմ Չեն Ընի ռազմածովային հզորացման արագությունն ու նախատեսված մասշտաբները ենթադրում են, որ Հյուսիսային Կորեան կարող է նյութատեխնիկական զգալի աջակցություն ստանալ Ռուսաստանից, որին Փհենյանը զորքեր և զենք է ուղարկել Ուկրաինայում պատերազմին աջակցելու համար»,- ասել է Իզլին։
