Իսրայելը պայթուցիկներ է տեղադրել «Հըզբոլլահի»՝ թայվանական արտադրության փեյջերներում․ Reuters
Իսրայելի «Մոսսադ» լրտեսական գործակալությունը փոքր քանակությամբ պայթուցիկ է տեղադրել 5000 թայվանական արտադրության փեյջերների մեջ, որոնք պատվիրած էր եղել լիբանանյան «Հեզբոլլահ» խմբավորումը երեքշաբթի օրը տեղի ունեցած պայթյուններից ամիսներ առաջ, Reuters-ին հայտնել են լիբանանյան անվտանգության բարձրաստիճան աղբյուրն ու մեկ այլ աղբյուր:
Motorola-ի բաժնետոմսերը նվազել են Լիբանանում փեյջերի պայթյուններից և թվիթերում սարքերի պայթեցման մասին գրառումներից հետո: Չնայած իրականում դրանք սարքեր էին թայվանական Gold+ ընկերության նոր խմբաքանակից։
Gold Apollo ընկերությունը հերքել է իր մասնակցությունը փեյջերների արտադրությանը, ինչը հանգեցրել է Լիբանանում ահաբեկչությանը։
Իրանի կողմից աջակցվող «Հեզբոլլահը» խոստացել է հակահարված տալ Իսրայելին, որի զինվորականները հրաժարվել են մեկնաբանել պայթյունները:
«Ռոյթերս»-ին մի քանի աղբյուրներ հայտնել են, որ սցենարը պատրաստվել է ամիսներ շարունակ:
Լիբանանի անվտանգության բարձրաստիճան աղբյուրը հայտնել է, որ խումբը պատվիրել է 5000 բիպեր, որոնք արտադրվել են Թայվանում հիմնված Gold Apollo-ի կողմից, որոնք, ըստ մի քանի աղբյուրների, երկիր են բերվել գարնանը:
Լիբանանի անվտանգության բարձրաստիճան աղբյուրը հայտնաբերել է փեյջերի մոդելի՝ AP924-ի լուսանկարը, որը, ինչպես մյուս փեյջերները, անլար կերպով ստանում ու ցուցադրում է տեքստային հաղորդագրություններ, բայց չի կարող հեռախոսազանգեր կատարել:
«Հըզբոլլահի» գրոհայինները օգտագործում են փեյջերները որպես ցածր տեխնոլոգիական հաղորդակցման միջոց՝ փորձելով խուսափել Իսրայելի տեղորոշման հետագծումից, այս տարի Reuters-ին հայտնել են խմբավորման գործողություններին ծանոթ երկու աղբյուրներ:
Սակայն լիբանանյան բարձրաստիճան աղբյուրը հայտնել է, որ սարքերը փոփոխվել են Իսրայելի լրտեսական ծառայության կողմից «արտադրության մակարդակով»
«Մոսադը սարքի ներսում պայթուցիկ նյութով կարտոն է ներդրել, որը կոդ է ստանում: Դա շատ դժվար է հայտնաբերել ցանկացած միջոցով: Նույնիսկ ցանկացած սարքի կամ սկաների միջոցով», - ասել է աղբյուրը:
Աղբյուրը նշում է, որ փեյջերից 3000-ը պայթել են, երբ դրանց կոդավորված հաղորդագրություն է ուղարկվել՝ միաժամանակ ակտիվացնելով պայթուցիկները:
Անվտանգության մեկ այլ աղբյուր Reuters-ին հայտնել է, որ մինչև երեք գրամ պայթուցիկ է թաքնված եղել նոր փեյջերներում և ամիսներ շարունակ «աննկատ» է մնացել «Հըզբոլլահի» կողմից:
Ոչ Իսրայելը, ոչ էլ «Gold Apollo»-ն անմիջապես չեն արձագանքել Reuters-ի մեկնաբանություններին:
Reuters-ի կողմից վերլուծված փեյջերի պատկերները ցույց են տվել ֆորմատ ու կպչուն պիտակներ, որոնք համապատասխանում են Թայբեյում տեղակայված Gold Apollo-ի պատրաստած փեյջերներին:
