Ռուս միլիարդատերը առաջարկել է հետ գնել Լուվրից գողացված զարդերը և վերադարձնել դրանք Աբու Դաբիի թանգարան

Ռուս միլիարդատեր և Telegram-ի հիմնադիր Պավել Դուրովը հայտարարել է Լուվրից գողացված զարդերը հետ գնելու և Աբու Դաբիի թանգարանին նվիրաբերելու իր պատրաստակամության մասին, որտեղ, նրա խոսքով, «դրանք ավելի անվտանգ կլինեն, քան Ֆրանսիայում»։

41-ամյա ձեռնարկատերը իր հայտարարությունն արել է Ֆրանսիան ցնցած համարձակ կողոպուտից հետո. անհայտ հարձակվողները ցերեկը գողացել են անգին զարդեր Փարիզի գլխավոր թանգարանից։ Գողերը փախել են, և չորս կասկածյալներ դեռևս որոնվում են։

Դուրովը միջադեպը մեկնաբանել է իր բնորոշ ոճով՝ հեգնանքով և ֆրանսիական իշխանությունների հասցեին ուղղված հարվածով. «Ես ընդհանրապես զարմացած չեմ Լուվրում կատարված գողությունից»։ «Սա մի ժամանակ մեծ երկրի անկման ևս մեկ տխուր ախտանիշ է, որտեղ կառավարությունը վարպետորեն շեղել է մարդկանց ուշադրությունը երևակայական սպառնալիքներով՝ անտեսելով իրական սպառնալիքները», - գրել է նա X-ում։

Նա հեգնանքով ավելացրել է. «Միայն մեկ կռունկ և երկու մոտոցիկլետ էր պետք, եղբայր։ Ես պատրաստ եմ գնել գողացված զարդերը և վերադարձնել դրանք Լուվր։ Իհարկե, ես նկատի ունեմ Աբու Դաբիի Լուվրը։ Ոչ ոք ոչինչ չի գողանում Աբու Դաբիի Լուվրից»։