Թուրքիայի իշխանություններն Ինտերպոլի կողմից հետախուզվող Ղազախստանի քաղաքացու են ձերբակալել

Թուրքիայի իշխանությունները շաբաթ օրը Էգեյան ծովի ափին գտնվող Իզմիր քաղաքում ձերբակալել են Ղազախստանի մի քաղաքացու, ով Ինտերպոլի կողմից հետախուզվում էր մի շարք ծանր հանցագործությունների համար, հայտնում է Anadolu-ն։

Ղազախստանի քաղաքացին ձերբակալվել է Իզմիրի դատախազության և հանցագործության դեմ պայքարող գերատեսչությունների թիմերի համատեղ հետախուզական գործողության շրջանակներում։

Հաղորդվում է, որ կասկածյալը հետախուզվում էր «միջազգային կազմակերպված հանցավոր սինդիկատին պատկանելու», «իր հիմնարկությունում մոլախաղերի խրախուսման» և «կոռուպցիայի» մեղադրանքներով։

Աշխատանքներ են տարվում նրան վերադարձնելու հայրենիք, որտեղ նա հետախուզվում է տարբեր հանցագործությունների համար։