Վատիկանում զինված տղամարդուն ձերբակալելու փորձի ժամանակ ոստիկան է վիրավորվել

Դանակով զինված տղամարդը ձերբակալվել է կիրակի օրը Սուրբ Պետրոսի հրապարակ գնացող մարդկանց սովորական ստուգման ժամանակ այն օրը, երբ Հռոմի պապը ամենշաբաթյա ելույթով հանդես է գալիս ամբոխի առջև, հայտնել է տեղի ոստիկանությունը:

Հաղորդագրության համաձայն՝ 51-ամյա իտալացուն բերման են ենթարկել Վատիկանի Սուրբ Պետրոսի տաճար տանող ճանապարհին ստուգման ժամանակ։

Ոստիկանությունից հայտնել են, որ տղամարդուն զինաթափելու ժամանակ մեկ սպա հայտնել է, որ թեթև վիրավորվել է։

Ոստիկանությունը նաև նշել է, որ ապացույցներ չկան, որ տղամարդը դանակը կրել է ահաբեկչության նպատակով․ նա ձերբակալվել է սպային դիմադրելու  և մարմնական վնասվածքներ հասցնելու մեղադրանքով:

Ինչպես նշում է իտալական Ansa գործակալությունը, ձերբակալված տղամարդը տառապում է հոգեկան խանգարումով։