Զիդանը ցանկանում է գլխավորել Ֆրանսիայի հավաքականը

Մադրիդի «Ռեալ»-ի նախկին գլխավոր մարզիչ Զինեդին Զիդանը մտադիր է աշխատանքի անցնել Ֆրանսիայի հավաքականում։ Այս մասին, armsport.am-ի փոխանցմամբ, հայտնել է RMC Sport-ը։

Աղբյուրի փոխանցմամբ՝ Զիդանը պատրաստ է սպասել, մինչև Ֆրանսիայի հավաքականում թափուր դառնա թիմի մարզչի պաշտոնը, որը ներկայումս զբաղեցնում է Դիդյե Դեշամը։

Ավելի վաղ հաղորդվում էր, որ Զիդանը դիտարկում է նաև «Մարսել»-ը գլխավորելու տարբերակը:

Նշվում է նաև, որ նա հրաժարվել է աշխատել Ալժիրի հավաքականում, որը նույնպես հետաքրքրություն է ցուցաբերել նրա նկատմամբ։

Հիշեցնենք, որ ֆրանսիացի մասնագետը Մադրիդի «Ռեալ»-ից հեռացել է 2021 թվականին։ Զիդանը մադրիդյան ակումբի հետ երեք անգամ հաղթել է Չեմպիոնների լիգան, ինչպես նաև դարձել է Իսպանիայի կրկնակի չեմպիոն։