Ճապոնիայի վարչապետը կարող է որքան ուզում է դատարկաբանել Կուրիլյան կղզիների՝ «պատմականորեն ճապոնական» լինելու մասին․ դրանք եղել են, կան և կմնան ռուսական հող․ Մեդվեդև

Ճապոնիայի վարչապետը կարող է որքան ուզում է դատարկաբանել Կուրիլյան կղզիների՝ «պատմականորեն ճապոնական» լինելու մասին․ դրանք եղել են, կան և կմնան ռուսական հող։ Այս մասին X-ի իր էջում գրել է Ռուսաստանի Անվտանգության խորհրդի փոխնախագահ Դմիտրի Մեդվեդևը:

«Ճապոնիայի վարչապետ Տակաիչին կարող է որքան ուզում է դատարկաբանել Կուրիլյան կղզիների՝ «պատմականորեն ճապոնական» լինելու մասին, սակայն այս խոսակցությունները ոչինչ չեն փոխի։ Դրանք եղել են, կան և կմնան ռուսական հող։ Ցանկացած ոք, ով չի հասկանում սա, կբախվի իր մոլորության ահռելի հետևանքներին»,- գրել է Մեդվեդևը։

Հիշեցնենք, որ ավելի վաղ Վլադիմիր Պուտինը առաջին անգամ անձամբ այցելել է Իտուրուպ կղզի։ Դա բողոք է առաջացրել Տոկիոյի կողմից․ վարչապետ Սանաե Տակաիչին հայտարարել է, որ Ճապոնիան Կուրիլյան կղզիների հարավային մասը համարում է իր բնիկ տարածքը։

Այս պատճառով, նաև Ճապոնիայի ԱԳՆ է կանչվել Տոկիոյում ՌԴ դեսպան Նիկոլայ Նոզդրյովը։