Ճամբարակ-Թթուջուր հատվածի խոշոր հրդեհը մարել չի հաջողվում

Ճամբարակ-Թթուջուր հատվածում բռնկված խոշոր հրդեհը մարել դեռ չի հաջողվում։ Մամուլում հրապարակվել են տեղեկություն, ըստ որի հրդեհը բռնկվել է 3 օր առաջ ու Վահան բնակավայրի հատվածում հրդեհը ներթափանցել է հակառակորդի կողմից՝ անտառային հատվածից։ Այս վարկածը հաստատել էր Ճամբարակի փոխքաղաքապետ Ռոբերտ Օհանյանը։

Հրդեհը բռնկվել է մոտ 3 օր առաջ, մինչդեռ ՆԳՆ փրկարար ծառայությունը հաղորդել է, որ նոյեմբերի 21-ին է ՆԳՆ ՓԾ Գեղարքունիքի մարզային վարչությունում տեղեկատվություն ստացվել, որ Ճամբարակ-Թթուջուր հատվածում հրդեհ է բռնկվել։

ՆԳՆ -ից փորձեցինք պարզել մանրամասներ: Ինչ վերաբերում է պատճառներին ու տարածման ուղղություններին՝ պարզ կդառնա քննությունից հետո։ Այս պահին հրշեջաշիջման աշխատանքները շարունակվում են, մասնակցում են նաև հարակից համայնքների բնակիչները։

Հիշեցնենք , որ նոյեմբերի 21-ին ՆԳՆ ՓԾ Գեղարքունիքի մարզային վարչությունում տեղեկատվություն է ստացվել, որ Ճամբարակ-Թթուջուր հատվածում հրդեհ է բռնկվել․ սարալանջին այրվում է խոտածածկ տարածք։ 

Կազմակերպվել է համապատասխան արձագանքում։ Հրդեհաշիջման աշխատանքներին ներգրավվել են ՆԳՆ Փրկարար ծառայության Երևան քաղաքի, Գեղարքունիքի, Լոռու, Կոտայքի, Տավուշի մարզային փրկարարական վարչությունների ստորաբաժանումներից, ԵՓՎ, ՓՈՒՎ հրդեհաշիջման և փրկարարական աշխատանքների կազմակերպման բաժինների, հատուկ նշանակության փրկարարական աշխատանքների իրականացման կենտրոնի փրկարարական խմբերը։

Հրդեհաշիջման աշխատանքները իրականացվել են ողջ գիշերվա ընթացքում․ աշխատանքները շարունակվում են, հրդեհը վերահսկելի է։ Նախնական տվյալներով 3 օջախով այրվում է խոտածածկ տարածք։ Հրշեջ-փրկարարներին հաջողվել է կանխել հրդեհի տարածումը դեպի անտառապատ գոտիներ և բնակելի տարածքներ։

Այս պահին հրդեհաշիջման աշխատանք է կատարում 243 փրկարարական ծառայող՝ 6 հրշեջ տեխնիկա և 30 օպերատիվ խումբ։