Search
Կամչատկայում կործանված Մի-8-ի բոլոր անձինք զոհվել են, բայց հայտնաբերվել է 17-ի դիերը
- Elen Hovsepyan
- Sep 1, 2024
- 1 min read
Կամչատկայում անհետացած Մի-8 ուղղաթիռում գտնվող բոլոր անձինք նախնական տվյալներով զոհվել են։ Այդ մասին «ՌԻԱ նովոստի»-ին հայտնել են Արտակարգ իրավիճակների նախարարությունից։
«Ներկայումս հայտնաբերվել է 17 դի, որոնողական աշխատանքները շարունակվում են», - հայտնում է ԱԻՆ մամուլի ծառայությունը։
Տեղում են ՌԴ ԱԻՆ Կամչատկայի երկրամասի գլխավոր տնօրինության որոնողափրկարարական ջոկատի ինը փրկարար։
«Ամենայն հավանականությամբ, վատ տեսանելիության պատճառով (վատ եղանակային պայմաններ) ուղղաթիռը բախվել է բլուրին», -ավելացրել են արտակարգ իրավիճակների ծառայությունը։
Մի-8-ի բեկորները գտնվում են 980 մետր բարձրության վրա։ Նրանք հայտնաբերվել են այն վայրի մոտ, որտեղից ինքնաթիռը վերջին անգամ կապ է հաստատել։
Ուղղաթիռում կարող էր լինել 19 ուղևոր։