Մենք միասին մուտք ենք գործել երկրորդ շրջան, շատ կարևոր շրջան. Բագրատ Սրբազան

Մենք միասին մուտք ենք գործել երկրորդ շրջան, շատ կարևոր շրջան, հենց այս փոփոխությունները կրելու շրջան։ Այս մասին Երեւանի Մանկական այգում երիտասարդների հետ հանդիպմանը ասել է Բագրատ Սրբազանը: 

«Ցանկանում էի, որ այս ընթացքի մեջ առաջինը ձեզ հանդիպեի։ Պետք է խնդրեմ, որ ձեր միջից խորհուրդ ձևավորվի, որպեսզի մենք կարողանանք էլ ավելի մեծ համախմբում ապահովենք։ Ձեր օրինակը պետք է տարածվի ամբողջ Հայաստանով, ձեզանից ամեն մեկին պետք է տեսնեն և ասեն՝ ուզում եմ իր նման լինեմ, ես մինչև այսօր այսպես չեմ ապրել, հիմա ուզում եմ իր նման ապրել, որովհետև ինքը հաղթողի հոգեբանություն ունի, ճշմարտությանը հավատացող մարդ է»,- ասաց Բագրատ Սրբազանը:

Նա նաեւ հավելեց, որ երիտասարդներից կազմված 25 հոգանոց խումբ պետք է ստեղծվի: