Խոշոր հրդեհ է բռնկվել Արարատում․ հայտարարվել է հրդեհի բարդության «1 ԲԻՍ» աստիճան
- Elen Hovsepyan
- 4h
- 1 min read
Այսօր՝ նոյեմբերի 17-ին, խոշոր հրդեհ է տեղի ունեցել Արարատի մարզում։ Ժամը 18։30-ի սահմաններում ահազանգ է ստացվել, որ Արտաշատ քաղաքի Հակոբյան փողոցում խորդանոց է այրվում։
Օպերատիվորեն ժամանել են Արտաշատի հրշեջ-փրկարարական ջոկատից 2 մարտական հաշվարկ։ Տեղում պարզվել է, որ այրվում է անասնագոմի մոտ 800 քմ մակերեսով ծածկը, և հայտարարվել է հրդեհի բարդության «1 ԲԻՍ» աստիճան։
Հրդեհի փաստով ոստիկանության Արտաշատի բաժնում փաստաթղթեր են կազմվում, որտեղ էլ պարզվում է անասնագոմի սեփականատիրոջ ինքնությունը։
