«Նոր տարին չի լուծելու կուտակված հիմնահարցերը, եթե ձեռքներս ծալած նստենք»․ Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրում է․ «Ամանորի շեմին սուպերմարկետներում մեծ առևտուր էր, դրանց տերերը մեծ շահույթներ ունեցան։ Ընկերս պատմում է, որ տարեմուտին Երևանում 3 ժամ լավաշի հերթում է եղել։ Սակայն մինչև փետրվարի կեսերն առևտուրը սառած վիճակում է լինելու։ Նոր տարին ինքնին չի լուծելու հին, կուտակված հիմնահարցերը, եթե ձեռքներս ծալած նստենք։ Անձնական, ընտանեկան խնդիրներից զատ համազգային մեծ մարտահրավերներ կան, որոնք սպառնալիք են պետության, հանրության և յուրաքանչուրի համար։ Դրանցից գլխավորը, առաջինը դրսից ղեկավարվող, օտարի օրակարգն իրականացնող, հանրությանը պառակտող, Հայաստան պետության համար սպառնալիք իշխանության հեռացումն է։ Նիկոլ Փաշինյանը խախտել ու խախտում է սահմանադրությունը, չունի կարմիր գծեր։ Սակայն նա տիրապետում է հսկայական վարչական և ֆինանսական ռեսուրսների, շարունակում է քաղաքական օրակարգ թելադրել։ Ընդդիմությունը պետք է ունենա գործողությունների պլան Բ, երբ մեծ չափով կեղծվեն հունիսի 7-ին նշանակված ԱԺ ընտրությունները»։