top of page

Գիտենք, որ այս խամաճիկը բոլորիդ ձեռնտու է, բայց մեր երկիրը աշխարհաքաղաքական բախման վայր չէ, մեզ համար գոյություն ունի մեկ շահ՝ Հայոց շահը․ Բագրատ Սրբազանը՝ միջազգային հանրությանը

  • Writer: Elen Hovsepyan
    Elen Hovsepyan
  • Oct 2, 2024
  • 1 min read
ree

Հանրապետության հրապարակում հանրահավաքի ժամանակ Սրբազան պայքարն առաջնորդող Բագրատ արքեպիսկոպոս Գալստանյանը խոսք ուղղեց միջազգային հանրությանը․

«Մեզ համար լրիվ հասկանալի է, թե ինչ է տեղի ունենում։ Բոլոր երկրներն էլ իրենց հաշվարկները, ցանկություններն ունեն։

Մեզ համար ոչ միայն հասկանելի է ձեր լռությունը, այլև մեր ուղերձն է ձեզ՝ բոլոր, բոլոր կողմերին, որ Հայաստանի Հանրապետությունը գործելու է միայն և միայն հայկակա՛ն շահով, ի՛ր օրակարգով։

Ես գիտեմ, որ այս խամաճիկը (Նիկոլ Փաշինյանը-խմբ․) ձեզ բոլորիդ ձեռնտու է՝ այս պատից այն պատին խփելու,  այս գրկից այն գիրկ ցատկելու համար և այդպես շարունակ։ Բայց մեր երկիրը աշխարհաքաղաքական բախման վայր չէ՛ և չի՛ կարող լինել։

Դաշնակիցներ՝ այո, բարեկամներ՝ այո, ընկերներ և փոխգործակցություն՝ այո, երկարատև,  կայուն, արդարության հիմքով խաղաղություն՝ այո։ Կարո՞ղ եք նպաստել՝ նպաստեք։ Եթե ոչ, մենք հստակ ասում ենք՝ մեզ համար գոյություն ունի մեկ շահ․ դա Հայոց շահն է, Հայաստանի Հանրապետության շահն է և հայկական օրակարգն է՝ անկախ նրանից՝ մենք մեկ հոգի ենք, թե հարյուր հազարավորներ, անկախ նրանից՝ դա ձեր քիմքին հաճելի է, թե ոչ, բայց ձեր առջև կանգնած է լինելու իր պետությանն ու հայրենիքին ամուր փարված հայ մարդը, որը հարգել գիտի, բայց միևնույն ժամանակ՝ գիտի պայքարել, և այդ պայքարի համար ոչինչ չխնայել»։

1/2315
bottom of page