Ջենարո Գատուզոն դարձել է Իտալիայի ֆուտբոլի ազգային հավաքականի գլխավոր մարզիչ
- Elen Hovsepyan
- 10 hours ago
- 1 min read
Իտալիայի ֆուտբոլի ազգային հավաքականի գլխավոր մարզիչ է նշանակվել 2006 թվականի աշխարհի չեմպիոն Ջենարո Գատուզոն։
Այս մասին հայտնում է Իտալիայի ազգային հավաքականի մամուլի ծառայությունը։
Ավելի վաղ Լուչանո Սպալետին հայտարարել էր Իտալիայի հավաքականի գլխավոր մարզչի պաշտոնից հեռանալու մասին, որը գլխավորում էր 2023 թվականից։
«Գատուզոն իտալական ֆուտբոլի խորհրդանիշն է, ազգային հավաքականի համազգեստը նրա համար երկրորդ մաշկի պես է: Նրա մոտիվացիան, նրա պրոֆեսիոնալիզմը և փորձը հիմնարար կլինեն ազգային հավաքականի առաջիկա պարտավորությունները լավագույնս հաղթահարելու համար: Գիտակցելով նպատակի կարևորությունը, որը մենք ցանկանում ենք հասնել, ես շնորհակալ եմ նրան պատրաստակամության և լիակատար նվիրվածության համար, որով նա ընդունել է այս մարտահրավերը»,- ասել է Իտալիայի ֆուտբոլի ֆեդերացիայի նախագահ Գաբրիելե Գրավին:
