TikTok-ի հիմնադիրը դարձել է Չինաստանի ամենահարուստ մարդը
- Elen Hovsepyan
- Oct 30, 2024
- 1 min read
TikTok սոցցանցի հիմնադիր 41-ամյա Չժան Յիմինգը ճանաչվել է Չինաստանի ամենահարուստ մարդը: Ըստ Hurun Research Institute-ի՝ նրա կարողությունն այժմ գնահատվում է 49,3 մլրդ դոլար, ինչը 43%-ով ավելի է 2023-ին գրանցած ցուցանիշից, գրում է BBC-ն:
Աղբյուրը մանրամասնում է, որ Չժան Յիմինգի անձնական կարողությունն աճել է նրա հիմնադրած ByteDance ընկերության (TikTok-ի մայր կազմակերպությունը) համաշխարհային շահույթի՝ անցյալ տարի 60% աճի շնորհիվ:
TikTok-ը դարձել է աշխարհի ամենահայտնի սոցիալական մեդիա հավելվածներից մեկը՝ չնայած որոշ երկրներում Չինաստանի իշխանությունների հետ սոցցանցի կապերի վերաբերյալ խոր մտահոգություններին:
