Իրենք իրենց որոշել ու հանել են, բա էս գյուղացին «պեչկայա». ողջաբերդցիները պահանջում են վերադարձնել վարչական ղեկավարին
Ողջաբերդի բնակիչներն այսօր դուրս են եկել բողոքի ակցիայի։ Նրանք պահանջում են վերադարձնել գյուղի վարչական ղեկավար Աշոտ Մուշեղյանին:
«Իրենք իրենց որոշել ու հանել են, բա էս գյուղացին «պեչկայա»»,-ասաց բողոքող քաղաքացիներից մեկը։
Գյուղացիները պնդում են, որ իրենք գոհ են իրենց վարչական ղեկավար Աշոտ Մուշեղյանի 2 տարվա աշխատանքից, ով, իրենց խոսքով, կարճ ժամանակում ամբողջ գյուղին կարողացել է համախմբել։
«Չգիտես՝ ինչու, մեր մարզպետը իրեն գործից հանել է՝ պատճառաբանելով, որ իրավապահ մարմինների հետ ունեցել է խնդիրներ: Նա այդ երկու տարում ամբողջ գյուղն ասֆալտապատել է, լուսավորել է, գերեզմանները ցանկապատել է, դաշտ իջնող ճանապարհը ուղղել է: Ամեն ինչ արվել է այս երկու տարվա մեջ»,-ասացին բնակիչները։
Մեկ այլ բնակիչ պատմեց, որ մի քանի օր առաջ մարզպետի հետ են հանդիպել. «Մարզպետը մեզ խոստացել է, 5 հոգու դեմ բառացիորեն տղայավարի խոսք տվեց, տղայավարի էլ խաբեց»։
