ՀՀ-ում քանի կենսաթոշակառու կա, և որքան է կենսաթոշակի միջին չափը հուլիսի 1-ի դրությամբ

Հայաստանում հուլիսի 1-ի դրությամբ կա  500 հազար 351 կենսաթոշակառու, որոնցից 302 հազար 341-ը կանայք են,  198 հազար 10-ը՝ տղամարդիկ։ Այս մասին civic.am-ը տեղեկացավ Վիճակագրական կոմիտեի հրապարակած տեղեկանքից։ Ըստ ՎԿ-ի՝ կենսաթոշակի միջին չափը հաշվետու  ժամանակաշրջանում կազմել է 49 հազար 32.3  դրամ։ Կանանց դեպքում կենսաթոշակի միջին չափը կազմել է 48 հազար 676.2 դրամ,  տղամարդկանց դեպքում՝ 49 հազար 576.0 դրամ։

Նոր նշանակված կենսաթոշակառուների թվաքանակը, ՎԿ-ի տեղեկացմամբ,  հուլիսի 1-ի դրությամբ կազմել է 11 հազար 41, այդ թվում կանայք՝ 5 794, տղամարդիկ՝  5 247։ Նրանց ստացած կենսաթոշակի միջին չափը կազմել է 43 հազար 391.7 դրամ, կանանց դեպքում՝  43 հազար 684.1, տղամարդկանց՝  43 հազար 068.9 դրամ։

ՎԿ-ն տվյալներ է ներկայացրել նաև աշխատող կենսաթոշակառուների մասով. նրանց թիվը 111 հազար 967  է։ Աշխատող կենսաթոշակառու կանանց  թիվը  57 հազար 651 է, տղամարդկանց թիվն էլ՝   54 հազար  316, կենսաթոշակի միջին  չափը կազմել է 53 հազար  531.5 դրամ։

Հ. Մ.