ՄԱԿ-ում Իրանի մշտական ներկայացուցչությունը հայտարարել է, որ Իսրայելի վրա հարձակումը կարելի է ավարտված համարել
- Elen Hovsepyan
- Apr 14, 2024
- 1 min read
Իրանի հարձակումն Իսրայելի վրա կարելի է ավարտված պատասխան համարել Իսրայելի իշխանությունների կողմից Սիրիայում իրանական դիվանագիտական օբյեկտների վրա հարձակմանը։ Այդ մասին շաբաթ օրը հայտարարել է ՄԱԿ-ում Իրանի մշտական ներկայացուցչությունը։
«Այս հարցը կարելի է ավարտված համարել», - նշվում է X-ում Իրանի դիվանագիտական առաքելության էջում։ Մշտական առաքելությունը նշել է, որ Իսրայելի ուղղությամբ անօդաչու թռչող սարքերի արձակումը պատասխան է Դամասկոսում Իրանի դիվանագիտական օբյեկտների վրա նրա հարձակմանը։ Միևնույն ժամանակ ընդգծվում է, որ Իսրայելի իշխանությունների «հերթական սխալի» դեպքում Թեհրանի պատասխանը «շատ ավելի կոշտ» կլինի։
