Ստամբուլում ռուս զույգ է ձերբակալվել մզկիթում համբուրվելու համար
- Elen Hovsepyan
- 2 days ago
- 1 min read
Ռուսները Ստամբուլում ձերբակալվել են օգոստոսի վերջին՝ Չամլիջա մզկիթում համբուրվելուց հետո։ Նրանց արդեն ազատ են արձակել։ Այս մասին ՌԻԱ Նովոստիին հայտնել են ՌԴ գլխավոր հյուպատոսությունից։
Դեպքը տեղի է ունեցել օգոստոսի 26-ին՝ քաղաքի ասիական կողմի Ուսքյուդար շրջանի Չամլըջա մզկիթում։ IHA գործակալության հաղորդմամբ, որը հրապարակել է միջադեպի տեսանյութը՝ ռուս տղամարդը և նրա ընկերուհին լուսանկարվել են մզկիթում, ապա համբուրվել։
Հարցաքննության ժամանակ ռուսները ներողություն են խնդրել և ասել, որ տեղյակ չեն եղել մզկիթում նման գործողությունների արգելքի մասին, նշում է գործակալությունը։ Թուրքական լրատվամիջոցները պնդում են, որ զույգի դեմ քրեական գործ է հարուցվել կրոնական արժեքները վիրավորելու մեղադրանքով և նրանց սպառնում է մինչև մեկ տարվա ազատազրկում։
Գլխավոր հյուպատոսությունը հաստատել է ձերբակալման փաստը։
«Ուսքյուդարի շրջանի ոստիկանության ներկայացուցիչների հետ զրույցի արդյունքների հիման վրա, ռուսները ցուցմունք տալուց հետո ազատ են արձակվել», - հայտնել է Պետական կոմիտեն։ Դիվանագետները նշել են, որ ռուսները այլևս չեն կապվել գլխավոր հյուպատոսության հետ։
ՌԻԱ Նովոստիի տեղեկացված աղբյուրի փոխանցմամբ՝ զույգն արդեն լքել է Թուրքիան։
