«Հրապարակի փոստի շենքը մասնավորեցվում է․ արտաքին տեսքը չի փոխելու»․ Առնակ Ավետիսյան

Հանրապետության հրապարակում գտնվող փոստի շենքը մասնավորեցվում է։ Այս մասին ԱԺ-ում հայտնեց ՏԿԵ նախարարության պետական գույքի կառավարման կոմիտեի նախագահ Առնակ Ավետիսյանը։ Նրա խոսքով շենքի մասնավորեցումը սովորական ընթացակարգով չի իրականացվում, քանի որ այն ունի պատմամշակութային և ճարտարապետական մեծ արժեք։ «Մրցույթ է իրականացվում՝ ընտրելու միջազգային մեծ հեղինակություն ունեցող խորհրդատվական ընկերություն, որը կվերլուծի գույքի օգտագործման հնարավորությունները»,- հայտնեց Ավետիսյանը։

«Հույս ունեմ՝ պայմանագրերում նշված է, որ շենքի արտաքին տեսքն ու ներսը չի կարող այնպես փոփոխվել, որ իր պատմական արժեքը վերանա, արժեզրկվի»,- արձագանքեց Նազարյանը։

Ավետիսյանի խոսքով հարցը կարգավորվում է առանձին օրենքով, շենքի տեսքը չի փոփոխվելու։