Հրդեհ Բաշինջաղյան փողոցում

Արտակարգ իրավիճակների նախարարությունից հայտնում են, որ դեկտեմբերի 19-ին, ժամը 21:45-ին Ճգնաժամային կառավարման ազգային կենտրոն ահազանգ է ստացվել, որ Երևանի Բաշինջաղյան փողոցում գտնվող շենքերից մեկի մոտակա ավտոտնակում այրվում է ավտոմեքենա։

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ և Ճգնաժամային կառավարման ազգային կենտրոնի օպերատիվ խումբը։

Հրդեհը մեկուսացվել է ժամը 22։04-ին, մարվել՝ 22։31-ին։ Ավտոտնակում այրվել են «Volkswagen Golf» մակնիշի ավտոմեքենան և կենցաղային իրեր։