«Ուկրաինան չի պատրաստվում հողեր զիջել»․ Զելենսկի
Զելենսկին հայտարարել է, որ Ուկրաինան չի պատրաստվում «հողեր զիջել»։ Ավելի վաղ լրատվամիջոցները գրել էին, որ Ռուսաստանի Դաշնությունը Թրամփի հետ հանդիպման ժամանակ պահանջելու է Ուկրաինայի զինված ուժերի լիակատար դուրսբերում Դոնբասից։
Իր առավոտյան ելույթում Զելենսկին ասել է, որ ուկրաինացիները «Ռուսաստանին պարգևներ չեն տա նրա արածի համար»։ «Ուկրաինացի ժողովուրդը արժանի է խաղաղության։ Բայց բոլոր գործընկերները պետք է հասկանան, թե ինչ է արժանապատիվ խաղաղությունը», - ասել է նա։ Ուկրաինայի նախագահի խոսքով՝ տարածքային հարցի պատասխանը «արդեն Ուկրաինայի Սահմանադրության մեջ է» և «ոչ ոք չի նահանջի դրանից», և ուկրաինացիները չեն «զիջի իրենց հողերը»։
«Մեր դեմ ցանկացած որոշում, առանց Ուկրաինայի ցանկացած որոշում միաժամանակ խաղաղության դեմ որոշումներ են։ Դրանք ոչինչ չեն տա։ Սրանք մեռած որոշումներ են, դրանք երբեք չեն աշխատի»,- ասել է նա։
