«Միսս տիեզերք»-ի բեմից ընկնելուց երեք օր անց Միսս Ճամայկան շարունակում է մնալ վերակենդանացման բաժանմունքում

<<Միսս Ճամայկա>> Գաբրիել Հենրին դեռևս հոսպիտալացված է՝ Թաիլանդում «Միսս տիեզերք» մրցույթի երեկոյան զգեստի ցուցադրման ժամանակ լուրջ ընկնելուց հետո։

28-ամյա մասնակիցը նոյեմբերի 19-ին ցուցադրության ժամանակ քայլում էր փայլուն նարնջագույն զգեստով և բարձրակրունկներով, երբ անզգույշ քայլ արեց և ընկավ բեմից, ինչի հետևանքով անհապաղ բժշկական օգնություն ստացավ։

Նոյեմբերի 21-ին «Միսս տիեզերք Ճամայկա» կազմակերպության Instagram-յան Stories-ում տարածված և PEOPLE-ին տրամադրված հայտարարության մեջ կազմակերպիչները հաստատել են, որ Հենրիի քույրը՝ բժիշկ Ֆիլիսիա Հենրի-Սամուելսը, և նրանց մայրը՝ Մորին Հենրին, նրա կողքին են Թաիլանդում։

Բժիշկ Հենրի-Սամուելսը նշել է, որ Գաբրիելի վիճակը շարունակում է մտահոգիչ մնալ։ «Գաբբին այնքան էլ լավ չէ, որքան մենք հույս ունեինք, բայց հիվանդանոցը շարունակում է նրան համապատասխանաբար բուժօգնություն ցուցաբերել»,-ասել է նա։

Բժիշկները որոշել են, որ Հենրին պետք է մնա վերակենդանացման բաժանմունքում առնվազն յոթ օր, քանի որ մասնագետները ուշադիր հետևում են նրան և շարունակում են թիրախային խնամք ցուցաբերել։

«Միսս Տիեզերք Ճամայկա» կազմակերպությունը կոչ է արել իր հետևորդներին աղոթել Հենրիի համար այս «չափազանց դժվարին ժամանակահատվածում»՝ խրախուսելով աշխարհի տարբեր երկրների մարդկանց ուղարկել «սեր, ուժ և հույս» նրա ապաքինման համար։