Որևէ մեկն ակնկալիք չունենա, որ կգա կասի՝ հորս արև պահեստում 15 մլն դրամի ապրանք ենք ունեցել, մենք էլ ասենք՝ հա. Փաշինյան
- Elen Hovsepyan
- Aug 15, 2024
- 1 min read
«Ես այս գլխից ասում եմ, որ բացառված է, որ բանավոր խոսքի վրա որևէ բան փոխհատուցվի»,- գործադիրի նիսիտում հայտարարեց Նիկոլ Փաշինյանը՝ ջրհեղեղից տուժած տնտեսվարողներին աջակցություն տալու ծրագրի քննարկման ժամանակ։
Մինչ այդ փոխվարչապետ Տիգրան Խաչատրյանը հայտնեց, որ անորոշություններ կան որոշ տնտեսվարողների վնասների գնահատման դեպքերում, քանի որ տնտեսվարողները պնդում են, որ պահեստներում ապրանք են ունեցել, որը չի հաշվարկվել։
Փաշինյանը հայտնեց, որ երբ այցելել էր Ալավերդի, քաղաքացիներն ասել են, թե մեկը ավտոտնակում 6 կգ ոսկի է ունեցել և ջուրը քշել տարել է ու ակնկալում է, որ կառավարությունը կփոխհատուցի։
Սուրեն Պապիկյանը տեղից ուղղեց, թե Տավուշի մարզում են ասել։
Փաշինյանն էլ ծիծաղելով նշեց, թե լոռու մարզում ծնված նախարարը հեռացրեց դեպքի հեղինակին իր մարզից և գցեց Տավուշի վրա։
«Ես բացառում եմ, որևէ մեկը նման ակնկալիք չունենա, որ կգա կասի՝ հորս արև պահեստում 15 մլն դրամի ապրանք ենք ունեցել, մենք էլ ասենք՝ հա։ Բացառտում եմ նման բան չի կարող լինի»,-ասաց Փաշինյանը։
