ՄԱՀԱՑԵԼ Է ՀԱՅՏՆԻ ԼՐԱԳՐՈՂ ՆԻԿՈԼԱՅ ՍՎԱՆԻՁԵՆ
- Elen Hovsepyan
- Sep 12, 2024
- 1 min read
70 տարեկան հասակում մահացել է հեռուստալրագրող, ռուսական ժամանակակից հեռուստատեսության հիմնադիր հայրերից մեկը՝ Նիկոլայ Սվանիձեն, հայտնել է Ռուսաստանի նախագահին առընթեր Մարդու իրավունքների խորհրդի անդամ Եվա Մերկաչովան։
Սվանիձեն մահացել է չորեքշաբթի երեկոյան՝ Մարշալ Վասիլևսկու փողոցում գտնվող մոսկովյան իր բնակարանում։
Վերջին տարիներին Նիկոլայ Սվանիձեն ծանր հիվանդ էր, նրա մոտ ախտորոշվել էր ուղեղային իշեմիա, գրում են ռուսական ԶԼՄ-ները:
Լրատվամիջոցների տեղեկություններով՝ լրագրողի մոտ նաև թոքաբորբ է ախտորոշվել։ Բժիշկները եկել են Սվանիձեի տուն, սակայն չեն կարողացել փրկել նրան:
