ՌԴ ԶՈՒ-ն hարվածել է Օդեսային. տnւժել են 2 հոգի

Ռուսաստանի զանգվածային հարձակման հետևանքով Օդեսայի մարզում երկու մարդ է տուժել, վնասվել են բնակելի և ոչ բնակելի շենքեր, բժշկական ու ուսումնական հաստատություններ, ինչպես նաև ավտոմեքենաներ, հայտնում է Интерфакс-Украина-ն՝ հղում անելով Ուկրաինայի արտակարգ իրավիճակների պետական ծառայությունը:

«Օդեսայի մարզը կրկին ենթարկվել է Ռուսաստանի զանգվածային հարձակման։ Հարվածի հետևանքով հուր է բռնկվել երկհարկանի մասնավոր բնակելի տանը։ Նախնական տեղեկություններով՝ տուժել է 2 մարդ»,- ասվում է հաղորդագրության մեջ։

Ավելի վաղ առևտրի կենտրոնին հասցված հարվածի հետևանքով խոշոր հրդեհ է բռնկվել։ Փրկարարները մարել են այն։

Բացի այդ, քաղաքում վնասվել է 10-հարկանի ոչ բնակելի շենք, որտեղ հրդեհ է բռնկվել։ Բացի այդ, վնասվել է քաղաքային հիվանդանոցի 7-հարկանի շենքի տանիքը, ջարդվել են ուսումնական հաստատության և չորս բնակելի տների պատուհանները, վնասվել է երեք ավտոմեքենա։

Բելգորոդ-Դնեստրովսկի շրջանում ջարդվել են երեք մասնավոր բնակելի տների պատուհանները։