«Ձվածեղ պատրաստելու տեսանյութով են հիմնավորում Արմեն Ալեքսանյանի մեղադրանքը»․ Ալեքսանդր Կոչուբաև

Փաստաբան Ալեքսանդր Կոչուբաևի ֆեյսբուքյան գրառումը՝ կից տեսանյութով․ ««18 Արդարների գործով» մեղադրյալ Արմեն Ալեքսանյանի կողմից ահաբեկչության նախապատրաստությունը, ըստ դատախազության, հիմնավորվում է կից ներկայացվող տեսանյութով։ Եվ սա կատակ չէ, անկեղծ եմ ասում այս տեսանյութը դրվել է մեղադրանքի հիմքում։ Այս է այն ամենը ինչ պետք է իմանալ գործի մասին»։

Կոչուբաևը նաև հրապարակել էր տեսանյութի զննության արձանագրությունը՝ կից գրելով․ «Հրապարակում եմ «18 Արդարների գործի» «Ձվածեղի դրվագով» միակ ապացույցը, որով մեղադրանքի կողմը հիմնավորում է Արմեն Ալեքսանյանին առաջադրված մեղադրանքը։

Ինչպես կարող եք տեսնել զննության արձանագրությունը պարունակում է ահաբեկչության նախապատրաստության անհերքելի փաստեր»։